ଚଣା କିଆରୀ ରୁ ମିଳିଲା ମୃତ ଦେହ ।ମୃତ ଦେହର ର ମୁହଁ ଓ ଗଳା ରେ ରହିଛି କଟା ଚିହ୍ନ । ଗଳା କାଟି ହତ୍ୟା ପରେ ଫିଙ୍ଗି ଦେଇଥିବା ସନ୍ଦେହ । ଘଟଣା ଘଟିଛି ଅନୁଗୋଳ ଜିଲାର ବନ୍ତଳା ଥାନା ଇଲାକାରେ।
ମୃତକ ଜଣକ ହେଉଛନ୍ତି ବନ୍ତଳା ବଜାର ଗାଁ ର କାଶୀନାଥ ବେହେରା। କାଶୀନାଥ ଗତ କାଲି ରାତିରେ ଶୌଚ ପାଇଁ ବାହାରୁ ଆସିଥିବା ବେଳେ ଆଉ ଘରକୁ ଫେରି ନଥିଲେ। ରାତି ତମାମ ତାଙ୍କ ପରିବାର ଲୋକେ କାଶୀନାଥ ଙ୍କୁ ଅନେକ ଖୋଜାଖୋଜି କରିଥିଲେ ମଧ୍ୟ ତାଙ୍କର କୌଣସି ଖୋଜ ଖବର ପାଇ ନଥିଲେ ।ଆଜି ଗାଁ ପିଲାଏ ଚଣା କିଆରୀ କୁ ଚଣା ଖାଇବାକୁ ଯାଇଥିବା ବେଳେ ସେଠାରେ ମୃତଦେହ ପଡିଥିବା ଦେଖିଥିଲେ। ଏନେଇ ବନ୍ତଳା ପୋଲିସ ଘଟଣା ସ୍ଥଳରେ ପହଁଞ୍ଚିବା ସହ ପରିବାର ଲୋକେ ମୃତ ଦେହ କାଶୀନାଥ ଙ୍କ ର ବୋଲି ଚିହ୍ନଟ କରିଥିଲେ। ତେବେ କିଏ କାହିଁକି ଏଭଳି ଗଳା କାଟି ହତ୍ୟା କଲା ତାର କୌଣସି ଖୋଜ ଖବର କେହିବି ପାଇ ପାରିନାହାନ୍ତି।
ଏନେଇ ପୋଲିସ ଅଧିକ ତଦନ୍ତ ଜାରୀରଖିଛି। କାଶୀନାଥ ମୂଲ ମଜୁରୀ କଲେ ପରିବାର ଚଳାଏ ।ତାଙ୍କୁ କିଏ ଆଉ କାହିଁକି ହତ୍ୟା କରିବା ତାକୁ ନେଇ ମଧ୍ୟ ନାନା ପ୍ରଶ୍ନ ଉଙ୍କି ମାରୁଛି।
