ଅନୁଗୋଳ : ଅନୁଗୋଳ ଜିଲ୍ଲା ସରକାରୀ ମେଡ଼ିକାଲର ଏକ କ୍ୱାଟର ମଧ୍ୟରୁ କୋଟି କୋଟି ଟଙ୍କାର ଅତ୍ୟାବଶ୍ୟକ ମେଡ଼ିସିନ ବାହାରିବା ଏବଂ ଏହାକୁ ଫିଙ୍ଗା ଯିବା ଘଟଣା କୁ ନେଇ ଆଜି ବିଜେପି ଅନୁଗୋଳ ଜିଲ୍ଲା ମହିଳା ମୋର୍ଚ୍ଚା ତରଫରୁ ଘଟଣା ତଦନ୍ତ ଦାବି କରାଯାଇଛି । ଏନେଇ ମୋର୍ଚା ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ରାଜ୍ୟ ସରକାର ଙ୍କୁ ଟାର୍ଗେଟ କରିଛି । ଜିଲ୍ଲା ବିଜେପି କାର୍ଯ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ମେଡ଼ିକାଲ ରେ ବ୍ୟାପକ ଦୁର୍ନୀତି ସମ୍ପର୍କରେ ଦଳ ଅଭିଯୋଗ କରିଛି ।
ଘଟଣାରେ ତୁରନ୍ତ କାର୍ଯ୍ୟାନୁଷ୍ଠା ପାଇଁ ଦଳ ଦାବି କରିଥିବା ବେଳେ ଏନେଇ ଜିଲ୍ଲାପାଳ ଙ୍କୁ ଅବଗତ କରିଥିବା ସୂଚନା ଦେଇଛି । ଜିଲ୍ଲା ମହିଳା ମୋର୍ଚ୍ଚା ସଭାନେତ୍ରୀ ବସନ୍ତ ମଞ୍ଜରି ପ୍ରଧାନ ଙ୍କ ସମେତ ରାଜ୍ୟ କାର୍ଯ୍ୟକରିଣୀ ସଦସ୍ୟ ଅଶୋକ ମହାନ୍ତି ଓ ପ୍ରତିମା ମିଶ୍ର, ରୋଜା ଲୀନ ଦାସ, ସୁଜାତା ଦାସ, ନମିତା ଦଳ ବେହେରା, ସୁଚିସ୍ମିତା ତ୍ରିପାଠୀ, ସରିତା ମିଶ୍ର, ପ୍ରମୁଖ ସାମ୍ବାଦିକ ସମ୍ମିଳନୀରେ ଉପସ୍ଥିତ ରହି ଲୋକମାନଙ୍କ ପାଇଁ ଉଦ୍ଧିଷ୍ଟ କୋଟି କୋଟି ଟଙ୍କାର ମେଡ଼ିସିନ ଏକ ମେଡ଼ିକାଲ କ୍ୱାଟରରୁ ମିଳିବାକୁ ନେଇ ଜିଲା ସ୍ୱାସ୍ଥ୍ୟ ପ୍ରଶାସନ ର କାର୍ଯ୍ୟ ଦକ୍ଷତା ଉପରେ ପ୍ରଶ୍ନ ଉଠାଇ ଛନ୍ତି
। ଏହା ଛଡା ମହିଳା ମୋର୍ଚ୍ଚା ର ଏକ ଟିମ ଘଟଣାସ୍ଥଳକୁ ଯାଇ ସରଜମିନ ତଦନ୍ତ କରିବା ସହ ଏତେ ମେଡ଼ିସିନ ଏହି କ୍ୱାଟରକୁ କିଭଳି ଆସିଲା, କେଉଁ ଉଧେଶ୍ୟ ରେ ରଖାଗଲା ,କାହା ଦ୍ଵାରା ରଖାଗଲା,ତାହାର ସଠିକ ତଦନ୍ତ କରି ଦୋଷୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ଦାବୀ କରିଛନ୍ତି । ଦୋଷୀଙ୍କ ବିରୁଦ୍ଧରେ ଆସନ୍ତା ସାତ ଦିନ ମଧ୍ୟରେ କାର୍ଯ୍ୟାନୁଷ୍ଠାନ ଗ ନିଆ ନ ଗଲେ ମହିଳା ମୋର୍ଚା ସିଡିଏମଓ ଅଫିସ ଘେରାଉ କରିବ ବୋଲି ଚେତାବନୀ ଦେଇଛି ।
