ଅନୁଗୋଳ: ଫାଶରେ ପଡି ବାଘର ମୃତ୍ୟୁ। ଶିକାରୀ ଫାଶରେ ପଡି ଯାଇଛି କଲରା ପତରିଆ ର ଜୀବନ। ଅନୁଗୋଳ ଜିଲା ରେ ଆଠମଲ୍ଲିକ ବନଖଣ୍ଡ ଅଂଚଳରେ ଘଟିଛି ଘଟଣା। ଏକ କାଜୁ ବଗିଚା ରୁ ମିଳିଛି ମୃତଦେହ।
ମିଳିଥିବା ସୂଚନା ଅନୁସାରେ ଅନୁଗୋଳ ଜିଲା ଆଠମଲ୍ଲିକ ବନଖଣ୍ଡ ଦଣ୍ଡାତୋପା ବନାଞ୍ଚଳର ମିଣ୍ଡୋଳ ଗ୍ରାମ ମଠ ନିକଟ କାଜୁ ବଗିଚା ପରିସରରେ ଶିକାରୀଙ୍କ ଫାଶରେ ପଡ଼ି ଏହୂ କଲରାପତରିଆ ବାଘର ମୃତ୍ୟୁ ହୋଇଛି। ଘଟଣାକୁ ଚପାଇ ଦେବାକୁ ସମ୍ପୃକ୍ତ ଶିକାରୀମାନେ ଯୋଜନା କରୁଥିବା ବେଳେ ଧଣ୍ଡାତୋପା ପାଖରେ ବାଘ ମୃତ୍ୟୁ ସମ୍ପର୍କରେ କୌଣସି ଖବର ନଥିବା ଜଣାପଡିଛି।ଆଠମଲ୍ଲିକ ବନଖଣ୍ଡ ଅଂଚଳରେ ଜନ୍ତୁ ଶିକାର ଘଟଣା ବଢ଼ିବାରେ ଲାଗିଛି। କେତେଜଣ ଶିକାରୀ
ଫାଶ ବସାଇ ନିୟମିତ ଜନ୍ତୁ ଶିକାର କରୁଛନ୍ତି। ସେମାନେ ବସାଇଥିବା ବିଦ୍ୟୁତ୍ ଫାଶରେ ପଡ଼ି ଏକ କଲରାପତରିଆ
ବାଘର ମୃତ୍ୟୁ ହୋଇଛି। ମିଳିଥିବା ମୃତଦେହ ସମ୍ପର୍କରେ କୌଣସି ବନ ବିଭାଗର କର୍ମଚାରୀ ଙ୍କ ନିକଟରେ ଖବର ନଥିବା ବେଳେ ଗତକାଲି କିଛି ଗାଈ ଚରାଳି ଦୁର୍ଘନ୍ଦ ଜାଣିବା ପରେ ଖୋଜାଖୋଜି କରିବା ପରେ ମୃତ ଦେହ ପାଇଥିଲା ।ଏନେଇ ସେମାନେ ବନ କର୍ମଚାରୀ ଙ୍କୁ ଖବର ଦେବା ପରେ ଘଟଣା ଜଣାପଡିଥିଲା ।
