ହାଙ୍ଗଝୋଉ : ଚୀନର ପୂର୍ବପ୍ରାନ୍ତରେ ଥିବା ହାଙ୍ଗଝୋଉ ସହରରେ ଚାଲିଥିବା ଏସୀୟ କ୍ରୀଡ଼ା ୨୦୨୩ରେ ଭାରତକୁ ଆଉ ଏକ ସ୍ୱର୍ଣ୍ଣ ପଦକ ମିଳିଛି। ସଟ୍ଫୁଟ୍ରେ ଭାରତକୁ ସ୍ୱର୍ଣ୍ଣ ପଦକ ଦେଇଛନ୍ତି ତଜିନ୍ଦର ପାଲ ସିଂ ତୁର। ୨୦.୩୬ ମିଟର ପର୍ଯ୍ୟନ୍ତ ସଟ୍ଫୁଟ୍ ଥ୍ରୋ କରି ତଜିନ୍ଦର ସ୍ୱର୍ଣ୍ଣ ଜିତିଛନ୍ତି। ଏହା ଭାରତ ପାଇଁ ୧୩ ତମ ସ୍ୱର୍ଣ୍ଣ ପଦକ। ତଜିନ୍ଦର ପାଲ ସିଂ ତୁରଙ୍କ ସ୍ୱର୍ଣ୍ଣ ପଦକ ସହ ଭାରତ ବର୍ତ୍ତମାନ ପର୍ଯ୍ୟନ୍ତ ୧୩ ସ୍ୱର୍ଣ୍ଣ, ୧୬ ରୌପ୍ୟ ଏବଂ ୧୬ ବ୍ରୋଞ୍ଜ ପଦକ ସହ ମୋଟ ୪୫ ପଦକ ଜିତି ମେଡାଲ ତାଲିକାର ଚତୁର୍ଥ ସ୍ଥାନରେ ରହିଛି । ତଜିନ୍ଦର ପାଲ ସିଂ ତୁରଙ୍କ ସ୍ୱର୍ଣ୍ଣ ପଦକ ପୂର୍ବରୁ ୩ ହଜାର ମିଟର ଷ୍ଟିପଲଚେଜରେ ସ୍ୱର୍ଣ୍ଣ ଜିତିଛନ୍ତି ଅବିନାଶ ସାବଲେ।
Related Posts
ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜ ଓ ଇଂଲଣ୍ଡ ବିପକ୍ଷ ଟେଷ୍ଟ ମ୍ୟାଚ୍ ପାଇଁ ଭାରତୀୟ କ୍ରିକେଟ୍ ଦଳ ଘୋଷଣା .
ମୁମ୍ବାଇ: ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜ ଓ ଇଂଲଣ୍ଡ ବିପକ୍ଷରେ ଗତ ବର୍ଷଠାରୁ ସ୍ଥଗିତ ଥିବା ଟେଷ୍ଟ ମ୍ୟାଚ୍ ପାଇଁ ଭାରତୀୟ କ୍ରିକେଟ ଦଳ ଘୋଷଣା…
ଓ.ପି. ଜିନ୍ଦଲ କପ୍ ଫୁଟବଲ: ଜଗା ୟୁନାଇଟେଡ୍ ଚାମ୍ପିୟନ
ଅନୁଗୋଳ: ଅନୁଗୋଳ ପିଟିସି ପଡ଼ିଆରେ ଖେଳଯାଇଥିବା ରାଜ୍ୟସ୍ଥାରୀୟଓ.ପି ଜିନ୍ଦଲ କପ୍ ଫୁଟବଲ ଟୁର୍ଣ୍ଣାମେଂଟରେଜଗାୟୁନାଇଟେଡ୍ ଭୁବନେଶ୍ୱର ଚାମ୍ପିୟନ ହୋଇଛି |ଫାଇନାଲ ମୁକାବିଲାରେ ଜଗା ୟୁନାଇଟେଡ୍, ଝାରସୁଗୁଡ଼ାର ଝାଡେଶ୍ବର ଫୁଟବଲ୍ କ୍ଲବକୁ ପେନାଲ୍ଟି ସୁଟଆଉଟରେ 4-3 ଗୋଲରେ ପରାସ୍ତ କରିଛି | ଫାଇନାଲ ମ୍ୟାଚରେ ମୁଖ୍ୟ ଅତିଥି ଭାବରେ ଢେଙ୍କାନାଳ ସାଂସଦ ଶ୍ରୀ ରୁଦ୍ର ନାରାୟଣ ପାଣି ଯୋଗଦେଇଥିବା ବେଳେ ସମ୍ମାନିତ ଅତିଥିଭାବେ ଅନୁଗୋଳ ବିଧାୟକ ଶ୍ରୀ ପ୍ରତାପ ଚନ୍ଦ୍ର ପ୍ରଧାନ, ଛେଣ୍ଡିପଦା ବିଧାୟକ ଶ୍ରୀ ଅଗସ୍ତି ବେହେରା, ଅନୁଗୁଳ ମ୍ୟୁନିସିପାଲଟି ଚେୟାରମ୍ୟାନ ଶ୍ରୀ ଅକ୍ଷୟ କୁମାର ସାମନ୍ତ, ଜେଏସପିର କାର୍ଯ୍ୟନିର୍ବାହୀ ନିର୍ଦ୍ଦେଶକ ଶ୍ରୀ ଦାମୋଦର ମିତ୍ତଲ, ସିଡିଓ ତଥା ଇଡି ଜିଲ୍ଲା ପରିଷଦ ଶ୍ରୀ ହେମନ୍ତ କୁମାର ସିଂ,ଜିଲ୍ଲା କ୍ରୀଡ଼ା ଅଧିକାରୀ ଶ୍ରୀ ଅକ୍ଷୟ ସେଠ, ଏବଂ ଆଥଲେଟିକ୍ ଆସୋସିଏସନର କୋଷାଧ୍ୟକ୍ଷ ଶ୍ରୀ କିଶୋର କୁମାର କର ପ୍ରମୁଖ ଯୋଗ ଦେଇଥିଲେ। ଏହି ଅବସରରେ ସାଂସଦ ରୁଦ୍ର ନାରାୟଣ ପାଣି ତଥା ଅନ୍ୟ ମାନ୍ୟଗଣ୍ୟ ଅତିଥିବୃନ୍ଦ, ଜେଏସପି ଫାଉଣ୍ଡେସନର ଅବଦାନ ପାଇଁ ଜେଏସପି ଅଧ୍ୟକ୍ଷ ଶ୍ରୀ ନବୀନ ଜିନ୍ଦଲ ଏବଂ ଜେଏସପି ଫାଉଣ୍ଡେସନର ଅଧ୍ୟାକ୍ଷା ଶ୍ରୀମତୀ ଶାଲୁ ଜିନ୍ଦଲଙ୍କୁ ପ୍ରଶଂସା କରିଥିଲେ ଏବଂ କ୍ରୀଡ଼ାର ବିକାଶ ତଥା ସାମାଜିକ କଲ୍ୟାଣ କାର୍ଯ୍ୟରେ ଜେଏସପିର ଯୋଗଦାନକୁ ପ୍ରଶଂସା କରିଥିଲେ। ଉଲ୍ଲେଖନୀୟ ପ୍ରଦର୍ଶନକାରୀଙ୍କୁ ଏହି ଅବସରରେ ପୁରସ୍କାର ପ୍ରଦାନ କରାଯାଇଥିଲା। ଝାରସୁଗୁଡାର ରିଙ୍କୁ ଓରାମ ଟୁର୍ନାମେଣ୍ଟର ଶ୍ରେଷ୍ଠ ଖେଳାଳି ଭାବରେ ସମ୍ମାନିତ ହୋଇଥିଲେ, ଜଗା ୟୁନାଇଟେଡ୍ ଭୁବନେଶ୍ୱରର ଶିଶିର ନାୟକ ଶ୍ରେଷ୍ଠ ଗୋଲକିପର ପୁରସ୍କାର ପାଇଥିଲେ ଏବଂ ତୋଫାନ୍ ନାୟକଙ୍କୁ ତାଙ୍କର ଉଲ୍ଲେଖନୀୟ ପ୍ରଦର୍ଶନ ପାଇଁ ମ୍ୟାନ୍ ଅଫ୍ ଦି ଫାଇନାଲ୍ ମ୍ୟାଚ୍ ଭାବରେ ସମ୍ମାନିତ କରାଯାଇଥିଲା। ଏହି କାର୍ଯ୍ୟକ୍ରମରେ ଯୋଗ ଦେଇ ଶ୍ରୀ ଦାମୋଦର ମିତ୍ତଲ ଟୁର୍ଣ୍ଣାମେଣ୍ଟକୁ ଏକ ବଡ଼ ସଫଳତା ଦେବାରେ ଜଡିତ ସମସ୍ତଙ୍କୁ କୃତଜ୍ଞତା ଜଣାଇଥିଲେ। ସମ୍ପ୍ରଦାୟର ସେବା ପାଇଁ ସେ ଜେଏସପିର ପ୍ରତିବଦ୍ଧତା ଉପରେ ଗୁରୁତ୍ୱାରୋପ କରିଥିଲେ ଏବଂ ସ୍ଥାନୀୟ କ୍ରୀଡ଼ା ପ୍ରତିଭାକୁ ଉତ୍ସାହିତ କରିବା ପାଇଁ ଫାଉଣ୍ଡେସନର ପ୍ରାଥମିକତା ଉପରେ ଆଲୋକପାତ କରିଥିଲେ | ଫାଇନାଲ୍ ମ୍ୟାଚରେ ଶିବ ଶଙ୍କର ପଣ୍ଡା, ଦିଲୀପ କୁମାର ରାଉତ, ଆଲୋକ ଦେହୁରୀ ଏବଂ ଭଲେଶ୍ୱର ଘଡାଇ ରେଫେରି ଭାବେ ମ୍ୟାଚ ପରିଚାଳନା କରିଥିଲେ। ଜିଏମ-ସିଏସଆର ଶ୍ରୀ ଜୟନ୍ତ କୁମାର ମହାନ୍ତି ଏବଂ ତାଙ୍କ ଦଳ ଜିଲ୍ଲା କ୍ରୀଡ଼ା ପ୍ରାଧିକରଣ ଅନୁଗୁଳର ସହଯୋଗରେ ଏହି ଟୁର୍ନାମେଣ୍ଟକୁ ସଫଳତାର ସହ ଆୟୋଜନ କରିଥିଲେ। ୧୨ ଦିନ ଧରି ଚାଲିଥିବା ଏହି ଟୁର୍ଣ୍ଣାମେଂଟରେ ରାଜ୍ୟର ବିଭିନ୍ନ ଜିଲ୍ଲାରୁ ୧୨ଟି ଦଳ ସମ୍ମାନଜନକ ଓ.ପି ଜିନ୍ଦଲ ଟ୍ରଫି ପାଇଁ ପ୍ରତିଦ୍ୱନ୍ଦ୍ୱିତା କରିଥିଲେ
ଘୋଷଣା ହେଲା ଟି-୨୦ ବିଶ୍ୱକପ କାର୍ଯ୍ୟସୂଚୀ: ଅକ୍ଟୋବର ୨୪ରେ ହେବେ ଭାରତ-ପାକିସ୍ତାନ ମ୍ୟାଚ ।
ନୂଆଦିଲ୍ଲୀ: ଚଳିତ ବର୍ଷ ଖେଳାଯିବାକୁ ଥିବା ଟି-୨୦ ବିଶ୍ୱକପ୍ ନେଇ ଆଇସିସି ପକ୍ଷରୁ କ୍ରୀଡ଼ାସୂଚୀ ଜାରି ହୋଇଛି । ଅକ୍ଟୋବର ୧୭ ତାରିଖରୁ ୟୁଏଇ ଏବଂ ଓମାନରେ…