ଢେଙ୍କାନାଳ: ବୁଧବାର ବିଳମ୍ବିତ ରାତିରେ ଢେଙ୍କାନାଳ ଜିଲ୍ଲା କାମାକ୍ଷାନଗରରେ ଫୁଟିଲା ୬ ରାଉଣ୍ଡ ଗୁଳି ଆଉ ବୋମା । ଯେଉଁଥିରେ ଜଣଙ୍କର ମୃତ୍ୟୁ ଘଟିଥିବା ବେଳେ ୨ଜଣେ ଆହତ ହୋଇଥିବା ଜଣାପଡ଼ିଛି । ମୃତକ ଜଣଙ୍କ ହେଲେ କାମାକ୍ଷାନଗର ଅନନ୍ତପୁର କଲୋନୀ ସାହିର ତୋଫାନ ପାତ୍ର। ୨ଜଣ ଗୁରୁତର ହେଲେ ସେହି ସହିର ଆକାଶ ନାୟକ ଏବଂ ରାଜକିଶୋର ନାୟକ। ତେବେ ତୋଫାନ ଓ ଆକାଶଙ୍କ ଅବସ୍ଥା ସଙ୍କଟାପନ୍ନ ଥିବାରୁ ଉଭୟେଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା ତେବେ ତୋଫାନଙ୍କର ଆଜି କଟକ ମେଡିକାଲରେ ମୃତ୍ୟୁ ଘଟିଥିବା ଜଣାପଡ଼ିଛି।
ଗୁଳି ଓ ବୋମା ମାଡ଼ ପକୃତ କାରଣ ଜଣାପଡିନଥିବା ବେଳେ କିଏ ଓ କାହିଁକି ଗୁଳି ଓ ବୋମା ମାଡ଼ କରିଛି ତାହା ଅସ୍ପଷ୍ଟ ରହିଛି । କାମାକ୍ଷାନଗର ସାରଙ୍ଗଧର ଷ୍ଟାଡିୟମ ନିକଟରେ ଅନ୍ଧକାର ରାତିରେ ଘଟିଛି ଏଭଳି ଘଟଣା । ଏକ ଗାଡି ଉପରକୁ ୬ ରାଉଣ୍ଡ ଗୁଳି ସହ ବୋମା ମାଡ଼ ହୋଇଛି । ଗୁରୁତର ଆହତଙ୍କୁ କାମାକ୍ଷାନଗର ମେଡ଼ିକାଲରେ ଭର୍ତ୍ତି କରାଯାଇଥିଲା । ତେବେ ତୋଫାନ ଓ ଆକାଶଙ୍କ ଅବସ୍ଥା ସଙ୍କଟାପନ୍ନ ଥିବାରୁ ଉଭୟଙ୍କୁ କଟକ ବଡ଼ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା । ଖବର ପାଇ ଘଟଣା ସ୍ଥଳରେ କାମାକ୍ଷାନଗର ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
