ଅନୁଗୋଳ: ଅନୁଗୋଳ ଜିଲ୍ଲାରେ ଥମୁନି ଗଞ୍ଜେଇ ଚାଷ। ଜିଲାରେ ଚାଲିଥିବା ଗଞ୍ଚେଇ ଚାଷ କୁ ନଷ୍ଟ କରିବାରେ ସଫଳ ହୋଇଛି ଅବକାରୀ ବିଭାଗ । ପ୍ରାୟ ଗୋଟିଏ ଏକର ଜମିରେ ହୋଇଥିବା ଗଞ୍ଜେଇ ଗଛକୁ ନଷ୍ଟ କରିଛି ବିଭାଗ ।
ଅନୁଗୋଳ ଜିଲ୍ଲା ଜରାପଡା ଥାନା ଅଞ୍ଚଳରେ ଗଞ୍ଜେଇ ଚାଷ ହେଉଥିବା ଜାଣିବା ପରେ ତାକୁ ନଷ୍ଟ କରିଛି ବିଭାଗ । କୌଣସି ସୂତ୍ରରୁ ଖବର ପାଇ ଅବକାରୀ ଏକ ଟିମ ଚଢାଉ କରି ଗଞ୍ଜେଇ ଗଛ ସବୁକୁ ନଷ୍ଟ କରିଛି । ଜରାପଡା ଥାନା ମାଟିଗାଡିଆସାହିର ଏକ କାଜୁ ବଗିଚାରେ ପ୍ରାୟ ୦.୮୫ ଏକରରେ ହୋଇଥିବା ଏହି ଗଞ୍ଜେଇ ଗଛକୁ କାଟି ପୋଡି ଦିଆ ଯାଇଛି । ଅବକାରୀ ଅଧିକ୍ଷକଙ୍କ ନିର୍ଦେଶ ରେ ଏହି ଚଢାଉ ହୋଇଥିଲା। ଅବକାରୀ ବିଭାଗ ର ସ୍ୱତନ୍ତ୍ର ଟିମ ସହ ମୋବାଇଲ ଟିମ ଏହି ଗଞ୍ଚେଇ ଗଛ ନଷ୍ଟ କରିବାରେ ସାମିଲ ହୋଇଥିଲେ।
