ଅନୁଗୋଳ: ବିଧାନସଭା ଉପବାଚସ୍ପତି ରଜନୀକାନ୍ତ ସିଂହଙ୍କ ଗାଡି ଦୁର୍ଘଟଣା । ଜାତୀୟ ରାଜପଥ ୫୫ ରେ ଥିବା ବେଳେ ଏକ ଟ୍ରକ ସହିତ ରଜନୀକାନ୍ତ ଙ୍କ ଗାଡି ଧକା ହୋଇଥିଲା । ଫଳରେ ବଡ ଦୁର୍ଘଟଣା ରୁ ଅଳ୍ପକେ ବର୍ତ୍ତୀ ଯାଇଛନ୍ତି ରଜନୀକାନ୍ତ ସିଂହ ।
ଅନୁଗୋଳ ବିଧାୟକ ତଥା ଉପବାଚସ୍ପତି ରଜନୀକାନ୍ତ ସିଂହ ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ସାରି ଅନ୍ୟଏକ କାର୍ଯ୍ୟକ୍ରମରେ ବଲଙ୍ଗ ଗାଁକୁ ଯାଉଥିଲେ। ରାସ୍ତାରେ ଯିବାବେଳର ଅନୁଗୋଳ ସହର ପାଖ ପଞ୍ଚମହଲା ଛକରେ ତାଙ୍କ ଗାଡି(ଓଡ଼ି-୦୨-ଏଆର-୬୦୦୬) କୁ ବିପରିତ ଦିଗରୁ ଆସୁଥିବା ଏକ ଟ୍ରକ(ଓଡ଼ି-୩୫-ଡି-୭୭୩୩)ଧକ୍କା ଦେଇଥିଲା। ଟ୍ରକ୍ଟି କାର୍ର ଡୋରରେ ଘୋଷାରି ହୋଇ ଆଗକୁ ବଢ଼ିଥିଲା। ଫଳରେ ଗାଡିଟି ଆଂଶିକ ଭାବେ ଭାଙ୍ଗି ଯାଇଛି। ଫଳରେ ଗାଡି କ୍ଷତିଗ୍ରସ୍ତ ହୋଇଥିଲା ବେଳେ ଶ୍ରୀ ସିଂହ ଓ ତାଙ୍କ ସୁରକ୍ଷା କର୍ମୀ ସୁରକ୍ଷିତ ଥିବା ଜଣାପଡିଛି। ଘଟଣାସ୍ଥଳରେ ସଦର ଥାନା ପୁଲିସ ପହଞ୍ଚି ତଦନ୍ତ କରିବା ସହିତ ଦୁର୍ଘଟଣା ଘଟାଇଥିବା ଟ୍ରକ କୁ ଜବତ କରିବା ସହ ଡ୍ରାଇଭର କୁ ଅଟକ ରଖିଛି ।
