ସାନକେରଜାଙ୍ଗ ରେ ଫୁଟିଲା ଗୁଳି,ଜଣେ ଗୁରୁତର।

ଅନୁଗୋଳ :  ଅନୁଗୋଳ ଜିଲା ନିଶା ଶିଳ୍ପାଞ୍ଚଳ ଥାନା ଅନ୍ତର୍ଗତ ସାନକେରଜାଙ୍ଗ ଗୋଛୟତ ସାହିରେ ଗୁଳିକାଣ୍ଡ। ଗୁଳି ମାଡରେ ସାହିର ଶ୍ରୀକାନ୍ତ ଗୋଛୟତ ନାମକ ଜଣେ ନାବାଳକ ଗୁରୁତର ଆହତ ହୋଇଛନ୍ତି। ତାଙ୍କୁ ପ୍ରଥମେ ଅନୁଗୁଳ ଓ ପରେ କଟକ ବଡ଼ ଡ଼ାକ୍ତରଖାନା ସ୍ଥାନାନ୍ତର କରାଯାଇଛି। ଶ୍ରୀକାନ୍ତ ଜଙ୍ଘରେ ଗୁଳି ବାଜିଛି।

  ଗତକାଲି ଗୋଛୟତ ସାହିର ସୁମନ୍ତ ଓ ତାଙ୍କ ସ୍ତ୍ରୀଙ୍କ ମଧ୍ୟରେ କୌଣସି କାରଣରୁ ପାଟିଗୋଲ ହୋଇଥିଲା। ଏଥିରେ ରାଗିଯାଇ ସୁମନ୍ତଙ୍କ ସ୍ତ୍ରୀ ଘରୁ ବାହାରକୁ ପଳାଇ ଥିଲେ। ସେତେବେଳେ ୫ଜଣ ଯୁବକ ନିଶାସକ୍ତ ଅବସ୍ଥାରେ ଏକ କାରରେ ସେହି ରାସ୍ତା ଦେଇ ଯାଉଥିଲେ।

  ସୁମନ୍ତଙ୍କ ସ୍ତ୍ରୀଙ୍କୁ ଏକୁଟିଆ ଦେଖି ଦୁର୍ବ୍ୟବହାର କରିବାକୁ ଉଦ୍ୟମ କରିଥିଲେ। ସୁମନ୍ତ ଏବଂ ତାଙ୍କ ସାନ ଭାଇ ଶ୍ରୀକାନ୍ତ ସେଠାକୁ ଯାଇ ବିରୋଧ କରିବାରୁ ହଠାତ ସେହି ଯୁବକ ମାନଙ୍କ ମଧ୍ୟରୁ ଜଣେ ଅତର୍କିତ ଭାବେ ଗୁଳି ଚଳାଇ ଥିଲେ। ପ୍ରାୟ ୪/୫ ରାଉଣ୍ଡ ଗୁଳି ଚଳାଇଥିବା ଶ୍ରୀକାନ୍ତ ପରିବାର ଲୋକେ କହିଛନ୍ତି। ତେବେ କିଏ ସେହି ନିଶାସକ୍ତ ଯୁବକ। କାହିଁକି ଏତେ ରାତିରେ ବୁଲୁଥିଲେ ତାହାକୁ ନେଇ ଏବେ ପ୍ରଶ୍ନ ଉଠିଛି। ରାତିରେ ପୋଲିସ ପେଟ୍ରୋଲିଂ ହେଉ ନଥିବାରୁ ଅସାମାଜିକ କାର୍ଯ୍ୟ କଳାପ ବୃଦ୍ଧି ପାଉଥିବା ଅଭିଯୋଗ ହେଉଛି। ନିଶା ପୋଲିସ ଘଟଣାର ତଦନ୍ତ କରୁଛି।

Leave a Reply

Your email address will not be published. Required fields are marked *