ଜବାହାର ନବୋଦୟ ବିଦ୍ୟାଳୟ ରେ ବାଳିକା ଆତ୍ମରକ୍ଷା ଶିବିର ଉଦଯାପିତ ।

ଅନୁଗୋଳ : ଅନୁଗୋଳ ଚମ୍ପତିମୁଣ୍ଡା ସ୍ଥିତ ପିଏମ୍ ଶ୍ରୀ ଜବାହରଲାଲ ନବୋଦୟ  ବିଦ୍ୟାଳୟ ଠାରେ ଦୀର୍ଘ ୩ ମାସ ଧରି ଚାଲିଥିବା  ବାଳିକା ଆତ୍ମରକ୍ଷା ଶିବିର ଉଦଯାପିତ ହୋଇଯାଇଛି। ଗତ ୧୫ ତାରିଖ ଦିନ ଏହି ଶିବିର ଉଦଯାପିତ ହୋଇଥିଲା।  ଆୟୋଜିତ ସଭା ରେ ମୁଖ୍ୟ ଅତିଥି ଭାବେ ଅନୁଗୋଳ ଜୁଡୋ ଆସୋସିଏସନ୍ ସମ୍ପାଦକ ସୁଧାଂଶୁ ଶେଖର ପଣ୍ଡା ମୁଖ୍ୟ ଅତିଥି ଭାବେ ଯୋଗଦେଇ ଆତ୍ମରକ୍ଷା ବିଷୟରେ ଆଲୋକପାତ କରିଥିଲେ।

ବିଦ୍ୟାଳୟ ର  ପ୍ରଧାନ ଆଚାର୍ଯ୍ୟ ଶ୍ରୀ ସିଦ୍ଧାର୍ଥ ଶଙ୍କର ବରାଳ ଙ୍କ ତତ୍ତ୍ୱାବଧାନରେ ଉକ୍ତ କାର୍ଯ୍ୟକ୍ରମଟି  ଅନୁଷ୍ଠିତ ହୋଇଥିଲା ଓ ବାଳିକା ମାନଙ୍କ ପାଇଁ ଆତ୍ମରକ୍ଷା କୌଶଳ ର ଆବଶ୍ୟକତା ଓ ଏହା ବାଳିକା ମାନଙ୍କୁ କିଭଳି ସୁରକ୍ଷିତ ରଖିବାପାରିବ ସେ ସମ୍ପର୍କରେ ଆଲୋକପାତ କରିଥିଲେ।

ଉକ୍ତ କାର୍ଯ୍ୟକ୍ରମକୁ ଅନୁଗୋଳ ଟାଇକୋଣ୍ଡୋ ଆସୋସିଏସନ୍ ସମ୍ପାଦକ ଓ ପ୍ରତିଷ୍ଠାତା ଦୁଷ୍ୟନ୍ତ କୁମାର ନାଥ ଓ ବିଜୁ କନ୍ୟା ରତ୍ନ  ପ୍ରାପ୍ତ ଓ ଜାତୀୟ ଖେଳାଳି ଯସ୍ଲିନ ସାହୁ ବାଳିକା ମାନଙ୍କୁ ଦିର୍ଘ ତିନିମାସ ହେଲା ପ୍ରଶିକ୍ଷଣ ଦେଉଥିଲେ, ।  କ୍ରିଡ଼ା ଶିକ୍ଷକ ଆଲୋକ କୁମାର ଓ କ୍ରୀଡ଼ା ଶିକ୍ଷୟତ୍ରୀ ସୁଚିତ୍ରା ପ୍ରିୟ ଦର୍ଶିନି ପଟ୍ଟନାୟକ ଅତିଥି ପରିଚୟ ଦେଇଥିଲେ ଓ ଉପସ୍ଥିତି ରହି ସାହାଯ୍ୟ ଓ ସହଯୋଗ କରିଥିଲେ, ଉକ୍ତ କାର୍ଯ୍ୟକ୍ରମରେ ସମସ୍ତ ଶିକ୍ଷକ ଓ ଶିକ୍ଷୟତ୍ରୀ ଓ ଛାତ୍ର ଛାତ୍ରୀ ମାନେ ଉପସ୍ଥିତି ଥିଲେ

Leave a Reply

Your email address will not be published. Required fields are marked *