ମିଶନଶକ୍ତି କେଫେ ଉଦ୍ଦଘାଟିତ

ଅନୁଗୋଳ: ଛେଣ୍ଡିପଦା ବ୍ଳକ୍‌ ପରିସରରେ ମିଶନ ଶକ୍ତି ମହାସଂଘ ଦ୍ବାରା ଏକ କେଫେ ଉଦଘାଟନ ହୋଇଛି । ଛେଣ୍ଡିପଦା ବିଧାୟକ ସୁଶାନ୍ତ କୁମାର ବେହେରା ଏହି କେଫେକୁ  ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି । ସୁଲଭ ମୂଲ୍ୟରେ ଉତ୍ତମ ମାନର ସ୍ବାସ୍ଥ୍ୟକର ଖାଦ୍ୟ ଏଠାରେ ଯୋଗାଇ ଦିଆଯିବ । ଏହା ଦ୍ଵାରା ମହିଳାମାନେ ସ୍ବାବଲମ୍ବୀ ହୋଇପାରିବେ ବୋଲି ବିଧାୟକ ପ୍ରକାଶ କରିଥିଲେ । ଆଜି ଏହା ଉଦଘାଟନ ହେବା ପରେ ପ୍ରାୟ ୨୦୦ରୁ ଊର୍ଦ୍ଧ୍ବ ମିଲ୍ (ଖାଦ୍ୟ) ବିକ୍ରି ହୋଇଛି । ଏହି କାର୍ଯ୍ୟକ୍ରମରେ ଛେଣ୍ଡିପଦା ପଞ୍ଚାୟତ ସମିତି ଅଧ୍ୟକ୍ଷ ଶ୍ରୀ ଅଶୋକ କୁମାର ପ୍ରଧାନ, ଗୋଷ୍ଠୀ ଉନ୍ନୟନ ଅଧିକାରୀ ସଂଜୟ କୁମାର ଆଚାର୍ଯ୍ୟ, ମିଶନ ଶକ୍ତିର ଡିପିସି ଶ୍ରୀ ବସନ୍ତ ମଲ୍ଲିକଙ୍କ ସମେତ ମିଶନ ଶକ୍ତି ଫେଡେରେସନର ସଦସ୍ୟାମାନେ ଉପସ୍ଥିତ ଥିଲେ ।