ନୂଆଦିଲ୍ଲୀ: ବିରୋଧୀ ଏକତାର ଦ୍ୱିତୀୟ ଦିନର ବୈଠକ ବେଙ୍ଗାଲୁରୁରେ ଶେଷ ହୋଇଛି। ୨୦୨୪ ସାଧାରଣ ନିର୍ବାଚନରେ ବିଜେପିକୁ ପରାସ୍ତ କରିବାକୁ ବିରୋଧୀ ଦଳର ୨୬ ଦଳ ଏକାଠି ହୋଇଥିଲେ। ଏହି ବୈଠକରେ ବିରୋଧୀ ଦଳର ମିଳିତ ମଞ୍ଚର ନାମ INDIA ବୋଲି ନିଷ୍ପତ୍ତି ନିଆଯାଇଛି। ଏହାର ପୂର୍ଣ୍ଣ ରୂପ ହେଉଛି ଇଣ୍ଡିଆନ ନ୍ୟାସନାଲ ଡେମୋକ୍ରାଟିକ ଇନକ୍ଲୁସିଭ ଏଲାଏନ୍ସ । ବିରୋଧୀ ଦଳର ସାମ୍ବାଦିକ ସମ୍ମିଳନୀରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ଏହା ଘୋଷଣା କରିଛନ୍ତି।ସେ କହିଛନ୍ତି ଯେ, ସମନ୍ୱୟ ପାଇଁ ୧୧ ଜଣ ସଦସ୍ୟଙ୍କ ଏକ କମିଟି ଗଠନ ହେବ ଏବଂ ଖୁବ୍ ଶୀଘ୍ର ଏକ କାର୍ଯ୍ୟାଳୟ ଗଠନ କରାଯିବ। ମୁମ୍ବାଇରେ ଆୟୋଜିତ ହେବାକୁ ଥିବା ଆମର ପରବର୍ତ୍ତୀ ମୁମ୍ବାଇ ଇଭେଣ୍ଟରେ ଏହା ଘୋଷଣା କରାଯିବ।
ଖଡଗେ ଆହୁରି ମଧ୍ୟ କହିଛନ୍ତି- ବିଜେପି ଗଣତନ୍ତ୍ରର ସମସ୍ତ ଏଜେନ୍ସିକୁ ଇଡି, ସିବିଆଇ ଇତ୍ୟାଦି ଧ୍ୱଂସ କରିଛି। ଆମର ରାଜନନୈତିକ ମତଭେଦ ଅଛି, କିନ୍ତୁ ଦେଶକୁ ବଞ୍ଚାଇବା ପାଇଁ ଆମେ ଏକାଠି ହୋଇଛୁ। ଏହାପୂର୍ବରୁ ଆମେ ପାଟନାରେ ଭେଟିଥିଲୁ। ଯେଉଁଠାରେ ୧୬ ଟି ପାର୍ଟି ଉପସ୍ଥିତ ଥିଲେ। ଆଜିର ବୈଠକରେ ୨୬ ଟି ଦଳ ଅଂଶଗ୍ରହଣ କରିଥିଲେ।ଆଜି ଆମେ ଆମର ସ୍ୱାର୍ଥ ପାଇଁ ନୁହେଁ ବରଂ ଦେଶକୁ ବଞ୍ଚାଇବା ପାଇଁ ଏଠାରେ ଏକାଠି ହୋଇଛୁ। ଆମର ଉଦ୍ଦେଶ୍ୟ ହେଉଛି ସରକାରଙ୍କ ବିଫଳତାକୁ ଆମେ ପ୍ରକାଶ କରିବୁ। ମୁଁ ଖୁସି ଯେ ରାହୁଲ, ମମତା ସମସ୍ତେ ଏକମତ ଅଟନ୍ତି। ୨୦୨୪ରେ ଏକାଠି ଲଢିବେ ଏବଂ ବହୁତ ଭଲ ଫଳାଫଳ ଆସିବ ବୋଲି ସେ କହିଛନ୍ତି।
