ଅନୁଗୋଳ : ଅନୁଗୋଳ ନିକଟସ୍ଥ ଜରାସିଂହା ଗ୍ରାମ ପୀତାବଳି ଠାକୁରାଣୀ ପିଢ଼ ଠାରେ ଫଟୋଗ୍ରାଫରର୍ସ ଆସୋସିଏସନ ଅନୁଗୋଳ (ପା) ର ସାଧାରଣ ପରିଷଦ ବୈଠକ ତଥା ବନ୍ଧୁମିଳନ ଅନୁଷ୍ଠିତ ହୋଇଯାଇଛି। ଏହି ବୈଠକରେ ପୁରୁଣା ବର୍ଷର ହିସାବ ଓ ଅନ୍ୟାନ୍ୟ ବିଷୟ ଆଲୋଚନା ପରେ ନୂତନ ବର୍ଷ ପାଇଁ ନୂତନ କମିଟି କର୍ମକର୍ତା ଚୟନ କରାଯାଇଅଛି। ସଂଘର ସଭାପତି ରୂପେ ଦିଲ୍ଲିପ କୁମାର ଧସାମନ୍ତ,କାର୍ଯ୍ୟକାରୀ ସଭାପତି ରୂପେ ଅନନ୍ତ କୁମାର ନାୟକ, ଉପ ସଭାପତି ରୂପେ ମନୋଜ ପାଳ,ସମ୍ପାଦକ ରୂପେ ଦିନବନ୍ଧୁ ସାହୁ, ସହ ସମ୍ପାଦକ ରୂପେ ଅମୀୟ ଜେନା ଓ କୋଷାଧ୍ୟକ୍ଷ ରୂପେ ଛବିଳ କୁମାର ସାହୁ ସର୍ବସମ୍ମତି କ୍ରମେ ନିର୍ବାଚିତ ହୋଇଅଛି।
ଯୁଗ୍ମ ସମ୍ପାଦକ ରୂପେ ଜିଲାର ସମସ୍ତ ବ୍ଲକ ପାଇଁ ରଣଜିତ ଜେନା (ଅନୁଗୋଳ), ସତ୍ୟବ୍ରତ ସାମଲ (ବଅଁରପାଳ), ନକୁଳ ବେହେରା (ଛେଣ୍ଡିପଦା), ରମେଶ ଚନ୍ଦ୍ର ସାମଲ (ପାଳଲହଡ଼ା),ମାନସ ସାହୁ (କିଶୋରନଗର) ଓ ପ୍ରତିପ ବାଗ (ଆଠମଲ୍ଲିକ), ମାତୃପ୍ରସାଦ ଆଚାର୍ଯ୍ୟ (ତାଳଚେର) ସର୍ବସମ୍ମତି କ୍ରମେ ନିର୍ବାଚିତ ହୋଇଛନ୍ତି। ଏହି କାର୍ଯ୍ୟକ୍ରମରେ ଜିଲ୍ଲାର ସବୁ ଅଂଚଳରୁ ପ୍ରାୟ ଷାଠିଏରୁ ଉର୍ଧ ସଭ୍ୟ ଯୋଗ ଦେଇଥିଲେ । କାର୍ଯ୍ୟକ୍ରମ ପରିଚାଳନାରେ ସଭ୍ୟ ଗୋପାଳଚନ୍ଦ୍ର ସାହୁ, ୱାଇଁ, ସୁନୀଲ କୁମାର ସାହୁ ଓ ଅନ୍ୟମାନେ ସାହାଯ୍ୟ ସହଯୋଗ କରିଥିଲେ। ଉକ୍ତ କାର୍ଯ୍ୟକ୍ରମରେ ସଂଘର ଆଇନ ଉପଦେଷ୍ଟା ଭୂପେଶ ପ୍ରଧାନ ଓ ବରିଷ୍ଠ ଫଟୋଗ୍ରାଫର ଜୟକୃଷ୍ଣ ପାତ୍ରଙ୍କ ପ୍ରତ୍ୟକ୍ଷ ତତ୍ବାବଧାନରେ ଅନୁଷ୍ଠିତ ହୋଇ ଯାଇଛି।
