ଅନୁଗୋଳ : ସ୍ଥାନୀୟ ଅମଲାପଡ଼ା ବାସନ୍ତୀ ପାଠାଗାର ପରିସରରେ ଅନୁଗୋଳ ଟାଇକୋଣ୍ଡ
ଆସୋସିଏସନ୍ ପକ୍ଷରୁ ରକ୍ଷାବନ୍ଧନ ଉତ୍ସବ
ପାଳିତ ହୋଇଯାଇଛି।ଏହି ସମାରୋହକୁ
ପୂର୍ବତନ ଟାମଡ଼ା ଅଧ୍ୟକ୍ଷ ତଥା ଆସୋସିଏସନ୍ ର ଉପସଭାପତି ଶକ୍ତି ପ୍ରସାଦ ପଟ୍ଟନାୟକ ଉଦ୍ଘାଟନ କରିଥିଲେ ।ଶ୍ରୀ ପଟ୍ଟନାୟକ ନିଜ ବକ୍ତବ୍ୟ ରେ ହିନ୍ଦୁ ସଂସ୍କୃତି ରେ ବଳଭଦ୍ର ଜନ୍ମ ଏବଂ ରକ୍ଷାବନ୍ଧନ ର ମହତ୍ତ୍ଵ ବର୍ଣ୍ଣନା କରିଥିଲେ।ସମ୍ମାନିତ ଅତିଥି ରୂପେ ଆସୋସିଏସନ୍ ର ଉପଦେଷ୍ଟା ତଥା ଆଇନଜୀବି ପ୍ରଦୀପ କୁମାର୍ ଦେବତା ଏବଂ ଆଇନଜୀବି ସଞ୍ଜୟ କୁମାର ମହାପାତ୍ର ଯୋଗ ଦେଇ
ରକ୍ଷା ବନ୍ଧନ ରେ ଭାଇ ଭଉଣୀ ର ପବିତ୍ର ସମ୍ପର୍କ ଏବଂ ସମାଜରେ ଏହାର ଉପଯୋଗିତା ଉପରେ ମତବ୍ୟକ୍ତ କରିଥିଲେ।
ଆସୋସିଏସନ୍ ର ପ୍ରତିଷ୍ଠାତା
ଦୁଷ୍ୟନ୍ତ୍ କୁମାର୍ ନାଥ ଅତିଥି ମାନଙ୍କୁ ସ୍ଵାଗତ କରିଥିଲେ।ଏହାପରେ ରକ୍ଷା ବନ୍ଧନ ଆୟୋଜିତ ହୋଇଥିଲା।ଅତିଥି ଏବଂ ଛାତ୍ର ଛାତ୍ରୀ ମାନେ ପଡ଼ିଆରେ ଥିବା ବୃକ୍ଷରେ ମଧ୍ୟ ରାକ୍ଷୀ ବାନ୍ଧିଥିଲେ।ବୃକ୍ଷ ବଞ୍ଚିଲେ ସମାଜ ବଞ୍ଚିବ,ଦେଶ ବଞ୍ଚିବ ବୋଲି ସମସ୍ତେ ମତବ୍ୟକ୍ତ କରିଥିଲେ।
