ଅନୁଗୋଳ : ଅନୁଗୋଳ ଚଣ୍ଡୀ ବଜାର ତେଲ ଟାଙ୍କି ମ୍ୟାନେଜର ଠାରୁ ୧୦ ଲକ୍ଷ ଟଙ୍କା ଲୁଟ ଘଟଣା ।୭ ଅଭିଯୁକ୍ତ ଙ୍କୁ ବାନ୍ଧିଲା ପୋଲିସ। ଗତ ମାସ ୨୪ ତାରିଖରେ ଘଟିଥିଲା ଘଟଣା ।ଅନୁଗୋଳ ସହର ମଧ୍ୟରୁ ହୋଇଥିଲା ଲୁଟ।
ଗତ ଫେବୃଆରୀ ୨୪ ତାରିଖରେ ଅନୁଗୋଳ ଟାଉନ ଥାନା ର ଗାନ୍ଧୀ ମାର୍ଗସ୍ଥିତ ଏକ ସ୍କୁଲ ନିକଟରେ ମାଉଜର ଦେଖାଇ ତିନି ଦୁର୍ବୃର୍ତ୍ତ ପେଟ୍ରୋଲ ପମ୍ପ କର୍ମଚାରୀ ଙ୍କ ଠାରୁ ୧୦ ଲକ୍ଷ ଟଙ୍କା ଛଡ଼ାଇ ନେଇଥିବା ଘଟଣାରେ ପୋଲିସ ୭ଜଣ ଲୁଟେରାଙ୍କୁ ଗିରଫ କରିଥିବା ନେଇ S P ରାହୁଲ ଜୈନ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ସେମାନଙ୍କ ଠାରୁ ଲୁଟ ହୋଇଥିବା ୧୦ଲକ୍ଷ ଟଙ୍କାରୁ ୫ଲକ୍ଷ ଉଦ୍ଧାର କରିଥିବା ବେଳେ ଲୁଟରେ ବ୍ୟବହୃତ ୩ଟି ମୋଟର ସାଇକେଲ ସହ ୭ଟି ମୋବାଇଲ ଜବତ କରିଛି ପୋଲିସ ।
ଘଟଣା ପେଟ୍ରୋଲ ପମ୍ପ ର ରୋଷେୟା ଓ ପାଖରେ ଥିବା ଏକ ଚାହା ଦୋକାନୀ ର ସମ୍ପୃକ୍ତି ଥିବା ମଧ୍ୟ ପୋଲିସ କହିବା ସହ ଉଭୟ ଙ୍କୁ ଗିରଫ କରିଛି। ୭ଲୁଟେରା ଅନୁଗୋଳ ସଦର ଥାନା,ଛେଣ୍ଡିପଦା ଓ ଠାକୁରଗଡ଼ ଥାନା ଅନ୍ତର୍ଗତ ହୋଇଥିବାବେଳେ ଆଜି ସେମାନଙ୍କୁ କୋର୍ଟ ଚାଲାଣ କରାଯିବା ନେଇ ଅନୁଗୋଳ SP ରାହୁଲ ଜୈନ ସୂଚନା ଦେଇଛନ୍ତି ।
ଗତ ୨୪ ତାରିଖରେ ଚଣ୍ଡୀ ବଜାର ସ୍ଥିତ ଶୁଭମ କିସାନ ସେବାକେନ୍ଦ୍ର ପେଟ୍ରୋଲ ପମ୍ପର ମ୍ୟାନେଜର ବଶିଷ୍ଠ କୁମାର ସାହୁ ତାଙ୍କର ଜଣେ ସହଯୋଗୀଙ୍କ ସହ ପେଟ୍ରୋଲ ପମ୍ପର ଟଙ୍କା ନେଇ ବ୍ୟାଙ୍କରେ ଡିପୋଜିଟ କରିବାକୁ ଆସୁଥିବା ସମୟରେ ଗାନ୍ଧିମାର୍ଗ ସ୍ଥିତ ଏକ ବିଦ୍ୟାଳୟ ସମ୍ମୁଖରେ ଥିବା ହମ୍ପସ ପାଖେ ତିନି ଜଣ ମୁଖା ପିନ୍ଧା ଯୁବକ ଏକ ବାଇକରେ ଆସି ପ୍ରଥମେ ତାଙ୍କ ହାତକୁ ପିଟିଥିଲେ। ଗାଡ଼ି ସ୍ଲୋ ହୋଇଯିବାରୁ ଦୁର୍ବୃର୍ତ୍ତମାନେ ତାଙ୍କ ଗାଡ଼ିକୁ ଗୋଇଠା ମାରିଥିଲେ। ଫଳରେ ଦୁଇ ଜଣ ଯାକ ପଡିଯିବା ପରେ ଦୁର୍ବୃତ୍ତମାନେ ମାଉଜର ଦେଖାଇ ଟଙ୍କା ଭର୍ତ୍ତି ବ୍ୟାଗ ଧରି ଚମ୍ପଟ ମାରିଥିଲେ।
ବ୍ୟାଗରେ ୧୦ଲକ୍ଷ ଟଙ୍କା ଥିବା ନେଇ ସମ୍ପୃକ୍ତ ପମ୍ପ ମ୍ୟାନେଜର ଅନୁଗୋଳ ଟାଉନ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପରେ ଅନୁଗୋଳ SPଙ୍କ ନିର୍ଦେଶ କ୍ରମେ ଦୁଇଟି ଟିମ ଗଠନ କରାଯାଇ ଲୁଟେରାଙ୍କୁ ଧରିବାକୁ ଜୋରଦାର ଉଦ୍ୟମ ହୋଇଥିଲା ।ଶେଷରେ ଘଟଣାରେ ସମ୍ପୃକ୍ତ ଲୁଟେରାଙ୍କୁ ପୋଲିସ କାବୁ କରିବାରେ ସକ୍ଷମ ହୋଇଥିଲା ।
