ଅନୁଗୋଳ: ଅନୁଗୋଳ ଫଟୋ ଗ୍ରାଫର ଆସସିଏସନ ପକ୍ଷରୁ ଏହି ବିଶ୍ଵ ଫଟୋଗ୍ରାଫି ଦିବସ ପାଳିତ ହୋଇଯାଇଛି । ସହର ର ବାସନ୍ତୀ ଦୁର୍ଗା ପଡ଼ିଆରେ ଏହି ଦିବସ ପାଳନ ପାଇଁ ଏକ ସ୍ୱତନ୍ତ୍ର ଉତ୍ସବ ଆୟୋଜନ ହୋଇ ଯାଇଛି। ଆସୋସିଏସନ ଆଇନ ପରାମର୍ଶ ଦାତା ଭୁପେଶ ଚନ୍ଦ୍ର ପ୍ରଧାନ ଓ ବରିଷ୍ଠ ଫଟୋଗ୍ରାଫର ଜୟ କୃଷ୍ଣ ପାତ୍ର ଅତିଥିଭାବେ ଯୋଗ ଦେଇ ପ୍ରଦୀପ ପ୍ରଦୀପ ପ୍ରଜ୍ୱଳ କରି ଉତ୍ସବ ର ଶୁଭାରମ୍ଭ କରିଥିଲେ।
କାର୍ଯ୍ୟକ୍ରମ ରେ ସଂଘ ର ଉପ ସଭାପତି ମନୋଜ କୁମାର ପାଳ ସଭାପତିତ୍ୱ କରିଥିବା ବେଳେ ପୂର୍ବତନ ଉପ ସଭାପତି ଅନନ୍ତ କୁମାର ନାୟକ ସଭା କାର୍ଯ୍ୟ ର ପରିଚାଳନା କରିଥିଲେ। କାର୍ଯ୍ୟ କ୍ରମରେ ଅନ୍ୟତମ ଅତିଥି ଭାବେ ବରିଷ୍ଠ ସାମ୍ବାଦିକ ତଥା ପୂର୍ବତନ ସାଧାରଣ ସମ୍ପାଦକ ସଂଗ୍ରାମ ରଞ୍ଜନ ନାଥ ବିଶ୍ୱ ଫଟୋ ଗ୍ରାଫି ଦିବସ ସମ୍ପର୍କରେ ନିଜର ମତ ପୋଷଣ କରିଥିଲେ । ପେସା ଓ ନିଶା ଭିତରେ ଆମ ସଙ୍ଘଠନ ‘ପା ‘ କିଭଳି ଆଗକୁ ନେଇ କାର୍ଯ୍ୟ କରିହେବ ସେ ନେଇ ନିଜର ମତ ମତ ରହିଥିଲେ। କାର୍ଯ୍ୟକ୍ରମ ରେ ଅନ୍ୟତମ ଅତିଥି ଭାବେ ଡାକ୍ତର ପ୍ରଫୁଲ୍ଲ କୁମାର ସାହୁ ଯୋଗ ଦେଇଥିଲେ।
ଏହି ଅବସର ରେ ସଂଘର ନବମ ବାର୍ଷିକ ଉତ୍ସବ ମଧ୍ୟ ପାଳନ ହୋଇଥିଲା । ସମସ୍ତ ସଦସ୍ୟ କେକ କାଟି ସଂଘର ବାର୍ଷିକ ଉତ୍ସବ ପାଳନ କରିଥିଲେ। ସଂଘର କୋଷାଧ୍ୟକ୍ଷ ଦିନେସ କୁମାର ସାହୁ ସଙ୍ଘ ର ଆଭିମୁଖ୍ୟ ସମ୍ପର୍କରେ ସୂଚନା ଦେଇଥିଲେ ।ଏହି ଅବସରରେ ନୂତନ କର୍ମକର୍ତା ଙ୍କୁ ଆଇ କାର୍ଡ ପ୍ରଦାନ କରାଯାଇଥିଲା ।
