ରାଉରକେଲା: କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରାଉରକେଲା ଷ୍ଟେସନରେ ହର ଘର ତ୍ରିରଙ୍ଗା ପ୍ରଦର୍ଶନୀକୁ ଉଦଘାଟନ କରିଛନ୍ତି। ଏହି କାର୍ଯ୍ୟକ୍ରମରେ ସୁନ୍ଦରଗଡ଼ ସାଂସଦ ଜୁଏଲ ଓରାମ, ରାଉରକେଲା ବିଧାୟକ ସାରଦା ନାୟକ, ଚକ୍ରଧରପୁଟ ଡିଆରଏମ ବିଜୟ ସାହୁ, ଅନ୍ୟ ବରିଷ୍ଠ ଅଧିକାରୀ ଓ ବିଜେପିର ବରିଷ୍ଠ ନେତାମାନେ ଯୋଗ ଦେଇଥିଲେ।
ଏହି ଅବସରରେ ଆୟୋଜିତ ଉତ୍ସବରେ ଅନ୍ତର୍ଜାତୀୟ ହକି ଖେଳାଳି ଲାଜରୁସ ବାର୍ଲା, ପ୍ରଫେସର ଜେ କେ ରାଓ, ଅର୍ଜୁନ ସାହୁ, ସହିଦଙ୍କ ଭଉଣୀ ବିନୀତ ସଏ ଓ ସମାଜସେବୀ ହେମା ଏକ୍କାଙ୍କୁ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କ ଫଟୋ ଦେଇ ସମ୍ଭର୍ଦ୍ଧିତ କରିଥିଲେ। କେନ୍ଦ୍ରମନ୍ତ୍ରୀ ରେଳବାଇ ପକ୍ଷରୁ ପ୍ରଦର୍ଶିତ ଫଟୋଗୁଡ଼ିକୁ ଅନ୍ୟ ଅତିଥିମାନଙ୍କ ସହ ବୁଲି ଦେଖିଥିଲେ।
