ସ୍ଵର ବ୍ୟୁରୋ: ଟ୍ରେନ ରେ ଗଞ୍ଜେଇ ଚଲାଣ ବେଳେ ଧରିଲା ରେଳବାଇ ପୋଲିସ । ଗଞ୍ଜେଇ ଧରି ଟ୍ରେନକୁ ଅପେକ୍ଷା କରିଥିବା ବେଳେ ମାଡି ବସିଲା ଆର୍ପିଏଫ୍। ଗିରଫ ଅିଯୁକ୍ତ ଜଣଙ୍କ ହେଉଛି ପଡୋଶୀ ଝାଡ଼ଖଣ୍ଡର ସିଂହଭୂମ ଜିଲ୍ଲା ରାଜନଗର ଖଣ୍ଡୁଆର ରବି ନାୟକ । ରବି ସାଙ୍ଗରେ ଧରିଥିବା ଏକ ଅଖାରୁ ୬ କେଜି ୯୩୦ ଗ୍ରାମ ଗଞ୍ଜେଇ ଜବତ ହୋଇଛି।
ରବି ଝାଡ଼ଖଣ୍ଡରୁ ଟାଟାକୁ ଗଞ୍ଜେଇ ଚାଲାଣ ପାଇଁ ଏକ ଅଖା ରେ ଗଞ୍ଜେଇ ନେଇ ଯାଉଥିଲା । ବସ୍ରେ ଆଜି ସକାଳେ ସେ ରାଉରକେଲାରେ ପହଞ୍ଚିବାପରେ ରେଲୱେ ଷ୍ଟେସନକୁ ଯାଇ ଟ୍ରେନ କୁ ଅପେକ୍ଷା କରିଥିଲା । ଷ୍ଟେସନରେ ଥିବା ଆରପିଏଫ ଯବାନଙ୍କର ସନ୍ଦେହ ହେବାରୁ ରବି ପଚରା ଉଚରା କରିବା ସହିତ ତାର ଅଖା କୁ ଯାଞ୍ଚ କରିଥିଲା । ଅଖା ରୁ ଗଞ୍ଜେଇ ପାଇବା ପରେ ଆରପିଏଫ ରାଉରକେଲା ଅବକାରୀ ବିଭାଗକୁ ହସ୍ତାନ୍ତର କରିଥିଲା । ରବିକୁ ଅବକାରୀ ବିଭାଗ ଗିରଫ କରି କୋର୍ଟ ଚାଲାଣ କରିଛି ।
